aah ko chahiye ik umr asar hone tak
kaun jeeta hai teri zulf ke sar hone tak

dam-e-har-mauj me hai halqa-e-sad-kam-e-nahang
dekhe kya guzre hai qatre pe guhar hone tak

ashiqi sabr-talab aur tamanna betaab
dil ka kya rang karu ḳhun-e-jigar hone tak

ham ne maana ki taghaful na karoge lekin
ḳhaak ho ja’enge ham tum ko ḳhabar hone tak

partav-e-ḳhur se hai shabnam ko fana ki taalim
mai bhi hu ek inayat ki nazar hone tak

yak nazar besh nahi fursat-e-hasti ġhafil
garmi-e-bazm hai ek raqs-e-sharar hone tak

ġham-e-hasi ka ‘Asad’ kis se ho juz marg ilaaj
shama har rang me jalti hai sahar hone tak

For more lovely Shayari Please follow

Click here to Follow Follow Mai Sadqay Tumhare on WordPress.com

Mai Sadqay tumhare.

Instagram

Facebook

Twitter



 

Leave a comment