Bewafa Shayari :

abhi se kaise kahu tum ko bewafa sahab
abhi to apne safar ki hai ibtida sahab

ibtida = shuruaat

na jaane kitne laqab de raha hai dil tum ko
huzur jaan-e-wafa aur ham-navs sahab

laqab = title
jaan-e-wafa = beloved
ham-navs = friend/supporter

Follow Mai Sadqay Tumhare on WordPress.com


tumhari yaad me taare shumaar karti hu
na jaane khatm kaha ho ye silsila sahab

kitab-e-zist ka unvaan ban gaye ho tum
hamare pyaar ki dekho ye intiha sahab

kitab-e-zist = zindagi ki qitaab
unvaan = pen name

tumhara chehra mere aks se ubharta hai
na jaane kaun badalta hai aayina sahab

raah-e-wafa me zara ehtiyaat laazim hai
har ek gaam pe hota hai haadsa sahab

gaam = kadam

siyah raat hai mahtaab ban ke aa jaao
ye Indira ke labon par hai iltija sahab

siyah = kaali
Mahtaab = chaand


For more lovely Shayari Please follow

Click here to Follow 👇 Follow Mai Sadqay Tumhare on WordPress.com

Mai Sadqay tumhare.

Instagram

Facebook

Twitter




 


Leave a comment


Leave a Reply

Your email address will not be published. Required fields are marked *