laayi hayaat aaye, qaza le chali chale
apni khushi na aaye na apni khushi chale

 

duniya ne kis ka rah-e-fana me diya hai saath
tum bhi chale chalo yunhi jab tak chali chale

ho umr-e-khizr bhi to ho maalum waqt-e-marg
ham kya rahe yaha abhi aaye abhi chale&nbsp

ham se bhi is bisat pe kam honge bad-qimar
jo chaal ham chale so nihayat buri chale

behtar to hai yahi ki na duniya se dil lage
par kya karen jo kaam na be-dil-lagi chale

laila ka naaqa dasht me tasir-e-ishq se
sun kar fughan-e-qais baja-e-hudi chale

naza na ho khirad pe jo hona hai ho wahi
danish teri na kuchh meri danish-wari chale

jaate hawa-e-shauq me hai is chaman se ‘ZAUQ’
apni bala se bad-e-saba ab kabhi chale

 

Sad Urdu Shayari by Shaikh Ibrahim Zaqu

For more lovely Shayari Please follow

Click here to Follow Follow Mai Sadqay Tumhare on WordPress.com

Mai Sadqay tumhare.

Instagram

Facebook

Twitter



 

Leave a comment